E bujshme! këngëtarja kolumbiane Shakira, e dëbuar nga vjehrri, i thotë lamtumirë përgjithmonë shtëpisë së saj në Barcelonë në Spanjë dhe shpërngulet me fëmijët e saj në Miami.
Ylli i popit vendosi kështu të nisë një aventurë të re me fëmijët e saj në Shtetet e Bashkuara pasi ish-vjehrri e njoftoi atë për dëbimin nga shtëpia e saj në Esplugues de Llobregat, në periferi të Barcelonës, 13 marsin e kaluar.
Në muajt e fundit Shakira ka insistuar që të ketë kujdestarinë e dy fëmijëve të saj dhe t’i marrë ata në Shtetet e Bashkuara, pas mosmarrëveshjeve me ishin e saj Gerard Pique: Milan dhe Sasha do të jetojnë me nënën e tyre në Miami dhe ish-mbrojtësi i Barcelona-s do të jetë në gjendje t’i vizitojë kur të dojë, në shoqërinë e partneres së tij Clara Chia.
Pas zgjidhjes së çështjes së fëmijëve, meqenëse ata nuk janë të martuar, ishte vetëm shtëpia e familjes që mbante lidhur ende Shakira dhe Gerard Pique: ish-çifti vendosi ta nxjerrë atë në shitje dhe ta ndajë fitimin përgjysmë.
Por kjo nuk është e gjitha: sipas gazetës spanjolle ‘La Vanguardia’, ish-vjehrri i Shakirës, Joan Pique, i kishte kujtuar yllit praninë e një klauzole të vendosur në kontratën e shitjes: nëse ajo nuk largohej deri më 30 prill, ai do të duhej të paguante dëmshpërblim, duke qenë drejtor i kompanisë që bleu shtëpinë në shtator 2022.
Para se të dëbohej nga ish-vjehrri i saj, Shakira mendoi se ishte më mirë të paketonte çantat e saj paraprakisht dhe të largohej për në Shtetet e Bashkuara. Mesazhi social që vetë Shakira ka dashur t’i kushtojë Barcelonës ‘saj’ është prekës:
“U vendosa në Barcelonë për t’u dhënë fëmijëve të mi stabilitet, të njëjtin që ne tani kërkojmë në një cep tjetër të botës, pranë familjes, miqve dhe detit. Sot fillojmë një kapitull tjetër në kërkimin e lumturisë së tyre”, shkruan ylli i popit në Twitter duke treguar panoramën e qytetit katalanas.
“Miqësia është padyshim më e gjatë se dashuria. Faleminderit të gjithë atyre që më kanë inkurajuar, që më kanë fshirë lotët, më kanë frymëzuar dhe më kanë bërë të rritem. Falënderoj publikun tim spanjoll që më ka mbushur gjithmonë me dashuri dhe besnikëri. Është vetëm një mirupafshim”.
