Kryetari i Partisë Demokratike, Lulzim Basha thotë se kryeministri Edi Rama fajëson Bashkimin Europian për mos hapjen e Konferencës së Parë Ndërqeveritare për Shqipërinë.
Nëpërmjet një postimi në “Twitter”, kreu i demokratëve, thotë se autokratët e korruptuar të Ballkanit kanë guximin të hedhin fajin te BE për mungesën e përparimit, duke shtuar se ata kanë cenuar demokracisë dhe sundimin e ligjit.
Basha thekson se të veprosh kundër autokracisë është mënyra e vetme për të mbrojtur demokracinë dhe aspiratat e qytetarëve në Ballkanit Perëndimor.
“Ishte një kohë kur zyrtarët e BE-së si Reinhard Priebe folën për shkeljet e autokratëve të Ballkanit mbi Demokracinë dhe Sundimin e Ligjit dhe Kryeministrat e Ballkanit dhe kolegët e tyre u drodhën, reflektuan ose u larguan me votë. Duket se për momentin tavolinat janë kthyer. Autokratët e korruptuar të Ballkanit kanë guximin të hedhin fajin te BE për mungesën e përparimit, në vend të goditjeve të tyre të tmerrshme ndaj demokracisë dhe sundimit të ligjit. Të flasësh me zë të lartë dhe të veprosh kundër autokracisë është mënyra e vetme për të mbrojtur demokracinë dhe aspiratat e njerëzve në Ballkanit Perëndimor”, shkruan Basha.
