Në mbledhjen me demokratët e Fierit, Lulzim Basha ka prezantuar sot propozimet për Reformën Zgjedhore. Basha identifikoi si problemet kryesore listat e mbyllura, barazinë e votës dhe votën e diasporës.
Basha kërkon që votuesit të kenë mundësi ta zgjedhin vetë përfaqësuesin e tyre në Parlament, çdo mandat deputeti të ketë të njëjtin numër votash, pavarësisht zonës ku kandidohet dhe në reformë të përfshihet edhe votimi në distancë i emigrantëve.
Po ashtu, sipas Bashës presidenti duhet të zgjidhet direkt nga populli.
1 – LISTA TË HAPURA
Votuesit të kenë mundësi të zgjedhin vetë deputetin, jo kryetari.
2- BARAZIA E VOTËS
Numri i votuesve për mandat deputeti të jetë i njëjtë në të gjithë vendin.
3- VOTA E DIASPORËS
Shqiptarët që jetojnë jashtë vendit, të kenë mundësi të votojnë në zgjedhje nga aty ku jetojnë.
4 – PRESIDENT NGA POPULLI
Presidenti të zgjidhet drejtpërdrejt nga populli.
