Kreu i PD-së, Lulzim Basha ka akuzuar qeverinë lidhur me përmbytjet në vend.
Basha shkruan se ndërsa vendi është nën ujë e mijëra familje po kalojnë dimrin e dytë në çadra, qytetarët janë pa ndihmë ekonomike e shëndetësore, kurse ministrat e Ramës ia shtrojnë për shtatë palë qejfe në Dubai.
“Ndërkohë që vendi është nën ujë, mijëra familje po kalojnë dimrin e dytë në çadra, shqiptarët janë pa asnjë ndihmë përballë krizës ekonomike dhe shëndetësore, ministrat e Ramës shtrohen për shtatë palë qejfe në restorantin më të shtrenjtë në Dubai. Ka ardhur koha për një qeveri që kujdeset për njerëzit, dhe jo këtë që e ka mendjen vetëm për veten e saj.” – shkruan Basha në Facebook.
