Luis Enrique, trajneri i Spanjës, ka shkaktuar befasinë me listën e tij të të grumbulluarve për Europianin. Sergio Ramos, lojtari me më shumë ndeshje me përfaqësuesen, nuk do të jetë i pranishëm në turneun që do të nisë pas disa javësh.
Kapiteni i Real Madrid u dëmtua në ndeshjen ndaj Chelsea në Champions League dhe nuk ka luajtur me madrilenët ndeshjet e fundit të kampionatit, gjë që ka çuar Luis Enriquen drejt vendimit drastik.
Është hera e parë në historinë e Spanjës që në një kompeticion zyrtar nuk do të jetë asnjë futbollist spanjoll i Real Madrid.
Lista e plotë e Spanjës:
Portierë: Unai Simón, De Gea, Robert Sánchez
Mbrojtës: Gayà, Jordi Alba, Pau Torres, Laporte, Eric García, Diego Llorente, Azpilicueta dhe Marcos Llorente.
Mesfushorë: Busquets, Rodri, Pedri, Thiago, Koke dhe Fabián.
Sulmues: Dani Olmo, Oyarzabal, Morata, Gerard Moreno, Ferran Torres, Adama Traoré dhe Pablo Sarabia.
