Gabriel C, me pseudonimin “Gishtat e gjatë”, një nga emrat e njohur në botën e krimit në qytetin Antverp të Belgjikës, për të shpëtuar nga përndjekja dhe hakmarrja e mafies shqiptare, ka inskenuar vdekjen e tij.
Sipas gazetës belge “Nieuws Blad”, Gabriel C, 32 vjeç realizoi “vdekjen” e tij në mënyrë të përkryer.
Ai u fotografua i rrahur, me plagë të shumta në të gjithë trupin dhe me një tabelë në gjoks, në të cilën shkruhej “Hajdut”, e gjitha kjo për të mashtruar shqiptarët, prej të cilëve ai kishte vjedhur të paktën 1500 kg kokainë.
Pas hetimeve u zbulua se gjithçka ishte një inskenim i përgatitur nga një grimier profesionist vendas.
Edhe në tetor të këtij viti, Gabriel C. inskenoi vdekjen e tij, duke përhapur një certifikatë nga policia e Gambias, ku thuhej se ai ishte mbytur në një liqen.
