Sekretari i Shtetit, Antony Blinken, parashikon se pushtimi rus i Ukrainës do të përfundojë me pavarësinë e saj dhe pa Vladimir Putin.
Në CNN, Blinken u shpreh se SHBA po punon për të minimizuar numrin e viktimave.
“Unë jam i bindur se, para së gjithash, do të ketë një Ukrainë të pavarur për një kohë shumë më të gjatë se pushteti i Vladimir Putin. Në një mënyrë ose në tjetrën, Ukraina do të jetë atje, dhe në një moment, Putini nuk do të jetë. Pyetja e vërtetë është se sa vdekje dhe shkatërrim sjell ndërkohë agresioni rus. Kjo është ajo për të cilën ne po punojmë: për t’i dhënë fund kësaj lufte që Rusia ka zgjedhur të bëjë. Ne po e bëjmë këtë përmes mbështetjes që po i ofrojmë Ukrainës çdo ditë. Këtë po e bëjmë me presionin që po ushtrojmë ndaj Rusisë çdo ditë. Shpresa ime është se ne mund t’i japim fund kësaj sa më shpejt, në mënyrë që vdekja dhe shkatërrimi të mos vazhdojnë. Mund t’ju them se si do të përfundojë, me një Ukrainë të pavarur dhe në njëfarë mënyre pa Vladimir Putin”.
Blinken tha se Putin duhet të tërhiqet nga ky agresion i pajustifikuar.
“Z. Putin, mbylle këtë luftë, ndalo luftën që po bën. Jepi fund agresionit, i cili është i pajustifikuar i paprovokuar. Ne u përpoqëm shumë muaj për t’i dhënë presidentit Putin platformat e duhura për t’i dhënë fund kësaj përpara agresionit që kur filloi agresioni. Fatkeqësisht, ai nuk u tërhoq. Është koha për të ndaluar luftën”, tha Sekretari amerikan i Shtetit.
