Një deklaratë e kryedemokratit Lulzim Basha në foltoren e Parlamentit, për një bos kokaine që ka prenotuar katin e një pallati në Tiranë, do të kalojë në filtrat e SPAK.
Ministri i Brendshëm, Bledi Çuçi i ka dërguar një shkresë, kreut të SPAK, Arben Kraja, ku kërkon hetim për rastin.
Duke e konsideruar si deklaratë të rëndë, që cenon besimin e publikut tek institucionet, Çuçi i kërkon Prokurorisë së Posaçme verifikimin e saj dhe zbardhjen e plotë të ngjarjes.
SPAK ka konfirmuar mbërritjen e letrës së Ministrit të Brendshëm dhe pohuan se do të vlerësohet për t’i dhënë një zgjidhje ligjore rastit.
