Gjatë viteve të fundit Bullgaria është përballur me disa aksidente rrugore të cilët kanë qenë vdekjeprurëse.
Aksidentet zakonisht janë shkaktuar për shkak të kushteve në rrugë, automjeteve të vjetra dhe shpejtësisë.
Në vitin 2019, sipas të dhënave nga Komisioni Europian, Bullgaria një shtet anëtar i BE-së me 7 milionë banorë u rendit si vendi i dytë me shkallën më të lartë të vdekjeve në rrugë, me 89 viktima për një milion banorë. Sipas të dhënave zyrtare, 628 persona kanë vdekur në aksidente rrugore më 2019 dhe 463 vitin e kaluar.
Mëngjesin e së martës 46 shtetas të Republikës së Maqedonisë së Veriut humbën jetën në një autostradë në perëndim të Bullgarisë, pasi autobusi ku ata udhëtonin u përplas në barrikadat e autostradës e më pas u përfshi nga flakët.
