Infermierja që shihni në foto quhet Ilenia e cila çdo ditë është në vijën e parë të frontit me koronavirusin, duke trajtuar pacientët e infektuar në një spital italian. Ajo ka rrëfyer për “Corriere” se si është rutina e saj në këtë situatë pandemie, çfarë bën pasi del nga spitali dhe kujdesi që tregon në shtëpi për të mos rrezikuar vajzën e vogël dy vjeçe dhe prindërit.
Ilenia: Sapo largohem nga reparti, bëj dush tek dhoma e zhveshjes. Shkoj në shtëpi, i lë këpucët jashtë dhe futem menjëherë në banjën e shërbimit, që tashmë e përdor vetëm unë. Zhvishem aty brenda, i fus të gjitha rrobat në lavatriçe dhe bëj një dush tjetër. Kështu ndihem dhe më e sigurt. Vajza ime Alice është dy vjeçe, është shumë e lidhur me mua, por përpiqem ti jap më pak puthje. Ia shpjegova disi situatën, por është shumë e vështirë. Kjo është rutina ime e re; nuk më bën më përshtypje, mbi të gjitha është për shëndetin. Kam një muaj e gjysmë që nuk i kam parë gjyshërit. Shenjat e maskës largohen pas një ore, por ka shenja të tjera që nuk zhduken më, do i mbajmë përgjithmonë. Kjo histori na ka shënjuar të gjithëve thellësisht: Ka shumë vuajtje. Përpiqem ta vë veten në vendin e prindërve të mi. Dhe të jem e sinqertë: Nëse do të isha në vendin e tyre, nuk do mund t’ia dilja dot.
