Pas vdekjes së Mbretëreshës Elizabeth II, Charles III do të shpallet zyrtarisht mbret në një ceremoni historike ditën e sotme.
E gjithë ceremonia e posaçme do të transmetohet në televizion, ndërsa flamujt do të qëndrojnë të ulur në gjysmështizë në shenjë zie për Mbretëreshën e ndjerë.
Charles III merr fronin e Mbretërisë së Bashkuar pas ndarjes nga jeta të nënës së tij, Mbretëreshës Elizabeth III. 73-vjeçari u zotua se do të vazhdojë të ndjekë detyrat mbretërore.
Në një fjalim të parë publik pasditen e së premtes, Mbreti i ri Charles III premtoi t’i shërbejë kombit me të njëjtin përkushtim si nëna e tij.
Pas vdekjes së monarkut, Këshilli i Aderimit mblidhet sa më shpejt që të jetë e mundur për të shpallur zyrtarisht pasuesin, që në këtë rast është Mbreti Charles III.
Në ceremoninë e posaçme, Mbreti do të bëjë një deklaratë personale për vdekjen e Mbretëreshës dhe do të betohet për të ruajtur Kishën e Skocisë, sepse në Skoci ka ndarje të pushteteve midis kishës dhe shtetit.
