Autoriteti brazilian shëndetësor Anvisa njoftoi se një vullnetar i vaksinës COVID-19 të zhvilluar nga AstraZeneca dhe Universiteti i Oksfordit ka vdekur, duke deklaruar se çështja po hetohet.
Vullnetari ishte regjistruar në provë por ende nuk e kishte marrë dozën, raporton Bloomberg. Autoritetet thanë se testimi i vaksinës do të vazhdojë pas vdekjes së vullnetarit, por nuk dha detaje të mëtejshme, duke përmendur konfidencialitetin mjekësor të atyre që ishin përfshirë në prova.
Universiteti Federal i Sao Paulo, i cili po ndihmon në koordinimin e provave klinike të fazës 3 në Brazil, tha se vullnetari ishte brazilian, por nuk tha se ku jetonte personi.
Pas kësaj aksionet e AstraZeneca pësuan rënie negative me 1.7%.
Qeveria federale ka plane për të blerë vaksinën në Mbretërinë e Bashkuar dhe për ta prodhuar atë në qendrën e saj të kërkimit biomjekësor FioCruz në Rio de Zhaneiro, ndërsa një vaksinë konkurruese nga Sinovac e Kinës po testohet nga qendra kërkimore e shtetit Sao Paulo Instituti Butantan.
Brazili ka shpërthimin e dytë më vdekjeprurës të koronavirusit, me më shumë se 154,000 të vrarë nga COVID-19.
