Kryetarja e LSI, Monika Kryemadhi reagoi pas deklaratave të kryeministrit Edi Rama nga foltorja e Kuvendit, ku akuzoi opozitën se po lëshon një tymnajë me çështjen e detit dhe se ishte pikërisht marrëveshja e qeverisë së mëparshme që u rrëzua nga Gjykata Kushtetuese për cenim të interesit kombëtar.
Përmes një video nga kampi i LRI në Jalë, Kryemadhi i bën thirrje kreut të qeverisë të mos bëjë lojëra fjalësh me detin dhe të ketë kujdes nga të rinjtë të cilët do ta rrëzojnë nga pushteti.
“I Vetmuari Desperados shpërnguli shqiptarët, tani bën lojëra fjalësh sikur nuk shpërngulka dot detin. Por kujdes me detin se të merr batica dhe s’ka salvagente (e di vetë ti) që të të shpëtojë. Sa për lopatat e Monikës mos u shqetëso. S’ke parë akoma motorët reaktiv. Këta do të të rrëzojnë”, shkruan kryetarja e LSI në rrjetet sociale.
I Vetmuari Desperados shpërnguli shqiptarët, tani bën lojëra fjalësh sikur nuk shpërngulka dot detin. Por kujdes me detin se të merr batica dhe s'ka salvagente (e di vetë ti) që të të shpëtojë. Sa për lopatat e Monikës mos u shqetëso. S'ke parë akoma motorët reaktiv 🚀
Video shoqëruese Jalë 2020. Këta do të të rrëzojnë!
Posted by Monika Kryemadhi on Monday, 7 September 2020
