Ambasadorja amerikane, Yuri Kim, ka reaguar pas vendimit të Gjykatës së Apelit të Posaçëm, që dënoi me dy vite burg, ish-kryeprokurorin Adriatik Llalla. Kim thotë se prokurorët duhet të vazhdojnë që të marrin veprime kundër zyrtarëve të lartë që keqpërdorin pozitën për t’u pasuruar.
“Drejtësia shërbehet kundër zyrtarëve të korruptuar. Prokurorët duhet të vazhdojnë të veprojnë kundër zyrtarëve – sado të lartë apo të fuqishëm – të cilët keqpërdorojnë pozicionin për të pasuruar veten. Askush nuk është mbi ligjin“, tha Kim.
Postimin e saj, ambasadorja amerikane e shoqëron me lajmin nga agjencia e lajmeve Associated Press pas dënimit të Llallës. Ish-kryeprokurori po ashtu është dënuar me 5 vite heqje të së drejtës për të ushtruar funksione publike dhe konfiskim të pasurisë.
