Zbardhet dinamika e atentatit që ka terrorizuar banorët e zonës së Kinostudios në Tiranë.
Rreth 15 persona janë shoqëruar në Komisariat për t’u pyetur mbi rrethanat e ngjarjes, ndërkohë që një person që mendohej i dyshuar, me precedent në fushën e narkotikëve, por është lënë më pas i lirë si person jo e përfshirë në ngjarje.
Atentati
Ndërkohë mësohet se Viktima Santiago Malko pak para atentatit kishte lënë makinën e tij tip BMW X5 në një lavazho të zonës, dhe kur ka dalë në rrugën kryesore rruga i është prerë nga një Automjet tip Mercedes nga i cili është lëshuar një breshëri automatiku.
Si pasojë, Malko ka humbur kontrollin e mjetit dhe është përplasur fillimisht me disa kosha plehrash, dhe më pas ka hyrë në territorin e një biznesi privat, tashmë pa jetë.
Kush është Santiago Malko
Viktima nuk është person i panjohur nga forcat e rendit. Fillimisht, sepse për rreth një vit ka qenë efektiv i patrullës së përgjithshme të policisë së shtetit.
Malko kishte përfunduar kursin për Patrullë të Përgjithshme dhe ka qenë pjesë e kësaj strukture në Policinë e Tiranës vetëm për 3 muaj.
Më pas është tërhequr vetë nga Policia.
Ndërsa bashkëshortja e tij vazhdonte të ishte pjesë e Policisë së Tiranës, në njësinë “Shqiponja”.
Malko ka qenë disa herë protagonist i kronikave, fillimisht në vitin 2016 kur në rrugën Islam Alla në Tiranë ka patur një konflikt me disa persona që zotëronin një pikë basti, dyshohet për një borxh, ku në acarim e sipër ai kishte tentuar t’i godasë me pistoletë.
Malko njihej edhe si mik i Elvis Martinajt, një nga protagonistët e vrasjes së bujshme në Bllok, madje ishte filmuar si i pranishëm në afërsi të skenës së krimit ku si pasojë u vra Fabian Gaxha, dhe ndërkohë u plagosën Eljon Hato dhe vetë Ervis Martinaj.
