Temperaturat rekord të ulëta në Finlandë këtë javë frymëzuan një turist në një udhëtim në Arktik për të provuar një truk që e ka intriguar prej kohësh – hedhjen e ujit të valuar në ajër kur jashtë është jashtëzakonisht ftohtë dhe e shikon atë të kthehet menjëherë në një re pluhuri të akullt.
Nuk është diçka për të provuar nëse temperaturat nuk janë në një nivel të akullt që shumica e vendeve në tokë rrallë ose kurrë nuk e shohin.
Lauri Untamo, një menaxher shitjesh 49-vjeçar nga Finlanda jugore, ishte me pushime ku temperatura ra në minus 30 gradë Celsius në ditën e Vitit të Ri.
#Watch | Finland | Boiling water turns to steam, snow when thrown outside in freezing weather pic.twitter.com/Le0BS1gfze
— DD News (@DDNewslive) January 5, 2024
“Kam parë video të atij truku në mediat sociale ose YouTube që mund të bëhej, por kurrë nuk kam pasur acarin e duhur për ta provuar në minus 30 gradë ose më shumë,” tha Untamo për Reuters.
Ai tha se kishte zier ujë në kabinën e tij, e nxori shpejt jashtë dhe e hodhi guximshëm mbi kokë, pa u djegur, pasi uji u shndërrua menjëherë në një re akulli që më pas u zhduk.
Vendet nordike kanë përjetuar mot jashtëzakonisht të ftohtë gjatë ditëve të fundit, me temperaturën më të ulët në 25 vjet në minus 44.3 Celsius të regjistruar të premten në Enonteki, në veriun arktik, aty ku qëndroi Untamo me miqtë e tij.
