Kandidati i Partisë Demokratike për Dibrën, Xhelal Mziu ka reaguar për deklaratën tronditëse gjatë një takimi ku është shprehur se ata që do të tentojnë të blejnë votën do e pësojnë si ata në Elbasan, duke pasur parasysh vrasjen e Pjerin e Xhuvanit.
Në sqarimin për opinionin publik, Xhelal Mziu shpreh pendesën për komentin të cilin e justifikon se ka ndodhur për shkak të emocioneve të forta.
“Me sinqeritetin më të madh, shpreh keqardhjen time dhe pendesën time për komentin tim të panevojshëm dje, për shkak të emocioneve të forta të momentit. Dua të jem i qartë: unë mbështes zgjedhje të lira dhe të ndershme dhe jam kundër dhunës! Jam penduar thellë për komentin tim dhe kërkoj ndjesë para gjithë shqiptarëve”, shprehet Mziu.
“Çmendet” Xhelal Mziu: Çdo person i dyshimtë do e pësojë si Pjerin Xhuvani
