Ngjyrat e ndryshme kanë ndikim të ndryshëm në trurin e njeriut.
Thuhet se e kuqja sjell oreksin dhe njihet si ngjyra e kuzhinës. E gjelbra ka një efekt qetësues dhe dominon dhomat e ndenjes.
Po dhoma e gjumit?
Blu, e kaltër nuk ka rëndësi, mjafton të luani me nuancat e blusë.
Ky nuk është supozim, e thotë shkenca.
Një studimi i Travelodge doli në përfundimin se e kaltra mund të ketë një ndikim real në cilësinë e gjumit.
Studiuesit gjetën se nga mijëra të anketuar, njerëzit që flinin në dhoma të lyera me nuancat e blusë ishin më të qetë në përgjithësi, në krahasim me ata që flinin në një dhomë të lyer me nuancat e ngjyrave të tokës.
Efekti qetësues i blusë, shprehet Chris Idzikoëski nga Edinburgh Sleep Centre, lidhet me receptorët e specializuar të quajtur qeliza ganglion në pjesën e retinës së syve tanë, të cilët janë më të ndjeshëm ndaj ngjyrës blu.
Ndërkohë, studimi thotë se duhet të shmangni ngjyrën vjollcë nga dhoma e gjumit sepse inkurajon kreativitetin dhe e ndalon trurin që të relaksohet.
Një tjetër studim shkencor ka dalë në përfundimin se çarçafët e bardhë luftojnë stresin, ankthin apo pagjumësinë.
Mjafton të shtroni në krevatin tuaj çarçafë të bardhë, të lyeni muret ngjyrë të kaltër dhe kjo do të ndikojë drejtpërdrejtë në psikozën tuaj.
