Vetëm pak orë pasi kryeprokurori i ri, Olsian Çela, mori zyrtarisht detyrën dhe bëri prezantimin përpara stafit të Prokurorisë së Përgjithshme, shefja e kabinetit të organit të akuzës, Alketa Zifla, ka dhënë dorëheqjen.
Ndryshimet i paralajmëroi më herët edhe vetë Çela, duke i konsideruar pozitive për punën.
“Me kolegët do të bëjmë një punë shumë të mirë, çdo gjë nuk shkon vaj. Ndryshimet janë pozitive. Do të kemi ndryshime pozitive besoj shumë shpejt, por unë kam besimin që vendi është në rrugën e duhur dhe ardhmja do të jetë më e mirë”, deklaroi Çela.
