Baguette franceze, një simbol i këtij shteti në mbarë botën dhe një element thelbësor i dietës franceze që prej 100 vjetësh, i përket tashmë Listës së Trashëgimisë Kulturore Jomateriale të UNESCO-s.
Baguette, e bërë nga miell gruri, ujë, maja, kripë dhe “pak njohuri franceze”, është pjesë e UNESCO. Brumi i saj duhet të pushojë për 15-20 orë në një temperaturë 4-6 gradë Celsius.
Baguette franceze është po aq ikonë për francezët sa Kulla Eifel.
Në deklaratën e UNESCO-s thuhet se baguette është “lloji më i popullarizuar i bukës që shijohet dhe konsumohet në Francë gjatë gjithë vitit”.
Me këtë status të ri të baguette-s, qeveria franceze ka thënë se dëshiron të krijojë një ditë kushtuar baguettes artizanale, të quajtur “Open Oven Day”, për t’i afruar francezët me trashëgiminë e tyre. Pavarësisht rënies së numrit të furrave tradicionale, 67 milionë francezë vazhdojnë të jenë konsumatorë të baguette-s, të blera në pika të ndryshme, duke përfshirë edhe supermarketet.
Një baguette zakonisht kushton më pak se një euro dhe konsiderohet nga disa si një tregues i shëndetit të ekonomisë franceze.
Prejardhja e saktë e baguette-s nuk dihet. Disa mendojnë se buka ishte porositur nga Napoleoni sepse ishte më e lehtë për ushtarët ta mbanin, ndërsa të tjerë sugjerojnë se ajo erdhi më vonë, një bukë e lehtë për punëtorët për t’u ndarë pa nevojën e një thikë. Të tjerë ende vlerësojnë një bukëpjekës austriak në vitet 1830 për formën e tij.
Në atë kohë u vendosën rregulla strikte për atë që klasifikohej si baguette, të standardizuara në 80 cm dhe 250 g. Madje kishte një çmim fiks deri në vitin 1986.
Baguette i bashkohet ushqimeve dhe kulturave të tjera të kuzhinës në listën e UNESCO-s të Trashëgimisë Kulturore Jomateriale, duke përfshirë prodhimin e picës napolitane, kimchi, kulturën belge të birrës, “dietën mesdhetare” dhe kafen arabe.
