Dy javë pasi Partia Demokratike humbi zgjedhjet e 25 prillit i gjithë debati brenda forcës kryesore në opozitë është përqendruar nëse duhet të dorëhiqet apo jo Lulzim Basha. Në fakt, e vetmja dorëheqje e mësuar deri tani ka ardhur nga sekretari organizativ i PD, Sahit Dollapi.
Duke ruajtur profilin e tij të ulët në raport me median dhe rrjetet sociale, Dollapi nuk i ka publikuar arsyet e largimit. Por burimet pranë Partisë Demokratike bënë të ditur se dorëheqja lidhet me rezultatin e zgjedhjeve.
Dollapi u zgjodh sekretar organizativ në vitin 2019 nga Këshilli Kombëtar.
Zërat se ishte dorëhequr edhe sekretari i burimeve njerëzore Ervin Minarolli, i përgënjeshtroi ky i fundit përmes një postimi ne rrjetet sociale.
