Gjykata e Lartë në Turqi ka miratuar këtë të mërkurë ekstradimin në Shqipëri të Izet Haxhisë.
Ai ndodhet në arrati i akuzuar si i përfshirë në vrasjen e Azem Hajdarit në shtator të vitit 1998.
Ish-truproja i Sali Berishës gjatë kohës që ky ka qenë President i vendit u dënua me 25 vite burg.
Nga ajo kohë ai jetonte në Turqi me statusin e azilantit politik.
Vetë Izet Haxhia ka deklaruar për News 24 se është njohur sot me vendimin e gjykatës.
Sipas tij është e çuditshme që “u kujtuan pas 12 vitesh për ekstradimin e tij dhe tashmë që janë arrestuar peshqit e mëdhenj”.
Gjatë gjithë këtyre viteve Haxhia dhe Berisha kanë shkëmbyer akuza të forta për njëri tjetrin.
