Një përplasje me armë zjarri në ambientet e një lokali në fshatin Gjormë të Vlorës, u ka marrë jetën 2 të rinjve këtë të hënë.
Paraprakisht mësohet se ngjarja ka ardhur si pasojë e një konflikti për motive të dobëta, autor i së cilit është 31-vjeçari Artjon Shenaj.
Ai dyshohet se ka vrarë Mariglen Memën, 35-vjeç dhe më pas është vetëvrarë.
35-vjeçari Mema rezulton person me precedentë penalë, në fushën e trafikut të narkotikëve.
Nuk dihet nëse shkak për këtë ngjarje të rëndë është bërë e shkuara e këtij të fundit.
Në vendin e ngjarjes kanë shkuar forcat e policisë që po punojnë për zbardhjen e saj.
