Një sherr me armë ka terrorizuar qytetarët sot pasdite në zonën e “Pazarit të Ri”.
Mësohet se dy persona janë konfliktuar me njëri-tjetrin dhe më pas përplasja ka degjeneruar deri në përdorimin e armëve.
Burimet thonë se i plagosur ka mbetur Pëllumb Gjoka, ish-pronar i rrjetit te restoranteve “Rozafa” dhe tashme vetëm pronar i një hoteli në kryeqytet.
Ai është plagosur nga 40-vjeçari K.M. Ky i fundit është arrestuar dhe po merret ne pyetje.
Ndërkohë, Gjoka është jashtë rrezikut për jetën në spital.
NJOFTIMI I POLICISE
Më datë 11.09.2017, rreth orës 21:00 në numrin e Emergjencave 112, ka ardhur telefonatë për plagosje me armë zjarri tek “Pazari i Ri”.
Në vendngjarje kanë mbërritur shërbimet e policisë dhe ambulanca, ku nga hetimet paraprake ka rezultuar se:
Shtetasi K.M., pas një konflikti është qëlluar në pjesën e këmbës me armë zjarri nga shtetasi P.Gj. banues në Tiranë.
Shtetasi i dëmtuar është transportuar në spital dhe është jashtë rrezikut për jetën.
Autori i plagosjes, shtetasi K.M., 40 vjeç është arrestuar nga policia dhe është shoqëruar në ambientet e policisë për veprime të mëtejshme.
Po punohet për zbardhjen e motiveve dhe rrethanave të ngjarjes.
