Kryeministri grek Kyriakos Mitsotakis i ka kërkuar NATO-s që të rrisë patrullimet në Egje pasi Presidenti turk Rexhep Taip Erdogan kërcënoi të lëshojë më shumë se tre milion migrantë në Evropë, nëse kjo e fundit e konsideronte operacionin anti-terror në veri të Sirisë si pushtim e jo si çlirim.
Mitsotakis, i cili së fundmi pati një bisedë me Sekretarin e Përgjithshëm të NATO-s, Jens Stoltenberg në Athinë, u tha gazetarëve se ai do t’u kërkonte këtyre të fundit dhe vendeve anëtare që “të përparojnë në takimin tjetër të organizatës me më shumë anije në Egje”.
Ai mbrojti “zgjerimin e misionit të NATO-s në jug të Egjeut për të mbuluar një hapësirë të gjerë të kufirit detar grek.”
Nga ana e tij, Sekretari i Përgjithshëm i NATO-s premtoi se ai do të vazhdojë t’u kërkojë vendeve anëtare “të sigurojnë më shumë anije”, por shtoi se patrullat e NATO-s ishin të autorizuara të “dërgonin informacione sesa të ndalonin anijet” me migrantë.
Greqia është e shqetësuar për kërcënimin e presidentit turk për “dërgimin e 3.6 milion migrantëve në Evropë” në përgjigje të kritikave evropiane për një ofensivë turke të ndodhur në veri-lindje të Sirisë.
Presioni ndaj Greqisë po rritet vazhdimisht: për herë të parë që nga marsi i traktateve të BE-së dhe Turqisë në Mars 2016, vendi është bërë edhe një herë një pikë e madhe hyrëse për migrantët në Evropë, me më shumë se 10,000 ardhje në shtator.
Greqia është në “vijën e parë”, pranoi Stoltenberg, duke shtuar: “Ne kemi më shumë punë për të bërë”. Por ai vuri në dukje se numri i ardhjeve të migrantëve ka rënë që nga traktatet e BE-së dhe Ankarasë.
