Fansat e kanë parë Ben Affleck duke qeshur, duke qarë e gjithçka tjetër në mes, por nuk e kishin absolutisht idenë se ai dinte spanjisht dhe mbi të gjitha, të fliste aq rrjedhshëm.
Së fundmi, aktori mori rolin e sipërmarrësit Philip Knight – bashkëthemelues i Nike – në filmin “Air”. Si pjesë e fushatës promovuese të filmit, Affleck foli për stacionin radiofonik në Spanjë, Cadena SER, për të biseduar për të gjithë gjërat në lidhje me Nike.
Duke i zënë fansat plotësisht në befasi, aktori tha – në spanjisht: “Ajo që është e rëndësishme të kuptohet është se filmi nuk ka të bëjë me historinë e Michael Jordan; ai as që shfaqet në film.”
Ai vazhdoi të shpjegonte se Jordani është “aq i madh, aq i rëndësishëm, aq madhështor sa nuk ka një aktor në botë që mund të luajë rolin e tij.”
Edhe fansat që dinë të flasin spanjisht kanë mbetur të habitur nga intervista, e cila është bërë virale. “Ai flet spanjisht më mirë se unë dhe spanjishtja është gjuha ime amtare,” komentoi një shikues.
Ben Affleck speaks better spanish than I could ever hope to achieve. #AIRMoviehttps://t.co/JNpFOZY3DZ via @variety pic.twitter.com/x4jIB1ChRO
— Clayton Davis (@ByClaytonDavis) April 5, 2023
“Air” është një film me regji të Ben Affleck dhe skenar të Alex Convery që bazohet në ngjarjet e vërteta rreth origjinës së linjës së atleteve Nike Jordan. Në film luajnë Matt Damon, Ben Affleck, Jason Bateman, Marlon Wayans, Chris Messina, Chris Tucker dhe Viola Davis.
