Karina Jersova nga Bucha në Ukrainë festoi ditëlindjen e saj të 23-të në shkurt. Menjëherë pas kësaj, rusët hynë në Ukrainë, dhe së shpejti në qytetin e saj.
Familja e saj, por edhe autoritetet, pretendojnë se ajo është përdhunuar, torturuar dhe vrarë nga ushtarët rusë.
Sipas ekipit gazetaresk që ishte në funeralin e kësaj vajze, nëna e Karinës, Olena Dereko, u përpoq të hapte arkivolin për të parë vajzën e saj për herë të fundit.
Burri i saj Andrew e ndaloi atë për ta kursyer nga një tjetër traumë. Thuhet se trupi i Karinës ishte shpërfytyruar plotësisht.
“Ajo u qëllua nga një distancë e afërt. Asaj i mungonte pothuajse gjysma e kokës”.
Autoritetet ukrainase thanë se vajza pësoi një vdekje të dhunshme dhe kishte “plagë dhe çarje” në trupin e saj dhe se ajo ishte torturuar para se të vdiste.
Ata nuk i dhanë të gjitha informacionet sepse rasti ishte “i tmerrshëm”. E kanë gjetur pranë banesës ku jetonte, ndaj mund të supozohet se e kanë mbajtur aty para se të vritej.
There were those who refused to believe the story about Karina, who was raped and then shot to death by Russian soldiers in Bucha.
The Telegraph has attended her funeral and interviewed her mother, putting all Russian lies to rest.
Article in the comment section below⬇️ pic.twitter.com/0vCbtSsuya
— Visegrád 24 (@visegrad24) April 14, 2022
Edhe ata e këshilluan nënën e saj që të mos shikonte trupin e vajzës.
Lëkura e saj ishte djegur, thonjtë e saj të hequr, kockat e gishtave të saj të dukshme, krahët dhe këmbët e saj të qëlluara para se të vdiste.
Një gazetare shkroi se policia i ka treguar fotografitë e trupit të 23-vjeçares, ku shihet se lëkura e duarve i është djegur dhe se i janë nxjerrë të gjithë thonjtë përveç njërit.
Karina jetonte me një mik në Bucha dhe punonte në një restorant. Ëndrra e saj ishte të hapte kompaninë e saj.
“Ne i kërkuam Karinës të largohej nga Bucha, por ajo nuk e kishte menduar se do të ishte aq e rrezikshme”, thanë prindërit e saj.
“Kam shpëtuar fëmijën tonë nga Donetsku në vitin 2014, por e humba në vitin 2022 në rajonin e Kievit”, tha njerku i saj.
