Pranë puthjes, pranë “zyrtarizimit” si çift, por ende jo aty. Pwr shkak se Kiara Tito po ngurron të hedhë hapin për të cilin Luiz Ejlli ngulmon prej javësh. Marrëdhënia e tyre ka ngërthyer vëmendjen dhe zemrën e publikut, që kërkon t’i shohë të dalin çift nga shtëpia e famshme e Big Brother Vip Albania.
E teksa shumë ndjekës po presin të shohin se çfarë rrjedhe do të marrë kjo marrëdhënie, ndërsa puthja e Luizit dhe Kiarës për momentin ka mbetur vetëm në tentativë, Flori Mumajesi ka risjellë në kujtesë puthjen e tij të famshme me të fejuarën e asaj kohe, Soni Malaj.
Këngëtari ka postuar një video, ku ka bashkuar tentativën e puthjes mes dy banorëve shumë të përfolur të “BBV2”, Luizit dhe Kiarës me një nga puthjet më të famshme të tij në skenë me këngëtaren e njohur, Soni Malaj.
Dyshja e artistëve nuk hezituan në finale e Këngës Magjike të shkëmbenin një puthje për sytë e të gjithëve nga skena e Pallatit të Kongreseve.
Flori e postoi këtë foto tani në InstaStory (ndoshta) për të treguar se kur e do dikë, asnjë kamera nuk mund të të pengojë të bësh atë që të dikton zemra!
