Numri i viktimave nga COVID-19 në spitalet franceze ra sot në 198, sipas shifrave të siguruara nga Ministria e Shëndetësisë.
Shifrat konfirmojnë se epidemia po lehtësohet, megjithëse kërkohet të tregohet kujdes, pasi shifrat e fundjavës shpesh nënvlerësohen.
Në total Franca ka regjistruar 22 614 viktima, 14 050 në spitale dhe 8 564 në shtëpi të moshuarish dhe institucione të ngjashme.
Numri i pacientëve të shtruar në kujdesin intensiv pësoi rënie në 4 725, 145 më pak se të premten.
