Që nga fillimi i fushatës “Shqipëria buzëqesh” janë kryer 1.8 milionë aksinime antikovid në gjithë vendin, ndërsa qeveria u bën thirrje qyetarëve të vaksinohen, pasi është arma më e fortë që kanë për të mbrojtur jetën e tyre.
Pandemia ka nxjerrë në dritë “brishtësinë e ekzistencës njerëzore”.
Kryeministri Edi Rama publikoi sot dëshminë e gazetares Jonida Shehut, pas humbjes tragjike të nënës.
Rama tha se dëshmia e saj është një këmbanë për të gjithë.
“Nuk besoj se ka mbetur njeri pa një përjetim personal për kovidin sot. Edhe është shumë e freskët koha e humbjes fatale nga kovidi në familjen tonë. Në të gjitha analizat e mendimet që më vijnë gjatë këtyre ditëve pas ikjes së mamit vetëm një kontante: se asnjë herë nuk mendoja se ajo do të ikte nga kovidi. Mbas ikjes së mamit, unë kam patur edhe njerëz të tjerë të familjes që janë infektuar, por për fat të mirë ishin vaksinuar. Nuk e kaluan të thjeshtë kovidin, por sot ata janë mes nesh. Dhe kjo më mjafton për të menduar se shtyrja e kohës së vaksinës ishte besoj një gabim. Mundësia që vaksinimi të shton qoftë edhe një përqindje në armët e tua në luftën me virusin, duke marrë parasysh sa i tmerrshëm dhe i paparashikueshëm është ai, ia vlen. Nuk është nesër koha e duhur, është sot, ose dje nëse mundesh. Mbase gjërat do të kishin rrjedhur ndryshe nëse do ta kisha menduar ndryshe para pak muajsh”, thotë Jonida në rrefimin e saj prekës.
2,379,960 vaksina antikovid kanë mbërritur deri tani në vendin tonë.
Vaksinimi antikovid vijon në çdo qendër shëndetësore dhe pikë vaksinimi të përqendruar, çdo ditë të javës, ku çdo qytetar mbi 16 vjeç mund të vaksinohet me kartën e identitetit.
Krahas pikave të përqendruara dhe qendrave shëndetësore vaksinimi po vijon në çdo universitet të vendit.
