Pasi u bë lajm në të gjithë botën, Rusia është detyruar të lirojë gazetaren e televizionit shtetëror rus Maria Ovsyannikova, e cila protestoi live kundër luftës.
Gazetarja u dënua me gjobë dhe u lirua. Ajo u mbajt në izolim dhe u mor në pyetje për 14 orë.
Pas daljes nga gjykata ajo tha se ishte dënuar me 30 mijë rubla ose rreth 255 euro. Ajo tha se nuk i ishte lejuar të fliste më familjarët dhe se nuk iu ofrua ndihmë ligjore.
На выходе из суда редактор «Первого канала» Марина Овсянникова поблагодарила всех за поддержку. Она провела практически двое суток без сна, допрос длился 14 часов. Дома ее ждут дети, и она хотела бы отдохнуть.
От остальных комментариев журналистка, пока отказалась.
📹 «Новая» pic.twitter.com/FIYMA5zpfm
— Новая Газета (@novaya_gazeta) March 15, 2022
“Jo luftës. Ndaloni luftën. Mos i besoni propagandës, këtu ju thonë gënjeshtra”, – shkruhej në tabelën që ajo mbante në dorë pas spikeres së lajmeve e cila mbyllej me fjalët: “Rusët kundër luftës”.
Në një video që kishte publikuar me herët në rrjetet sociale ajo renditi edhe arsyet.
“Ajo që po ndodh në Ukrainë është një krim. Dhe Rusia është agresori. Përgjegjësia për këtë agresion është e një personi dhe ky person është Vladimir Putin”, thuhej në një postim në Twitter që u shpërnda masivisht.
“Babai im është ukrainas dhe nëna ime është ruse dhe nuk kanë qenë kurrë armiq”, shpjegon Maria Ovsiannikova në videon e regjistruar para arrestimit të saj.
“Fatkeqësisht kam punuar në Channel One vitet e fundit dhe kam punuar në propagandën e Kremlinit. Dhe tani më vjen shumë turp. Dilni në rrugë, mos kini frikë, nuk mund të na burgosin të gjithëve”, ishte apeli i saj i fundit.
Gjatë ditës edhe Presidenti francez Emmanuel Macron propozoi “mbrojtje konsullore” për gazetaren ruse.
