Gjykata e Krimeve të Rënda vendosi sot që t’i kthejë velinës së njohur Kejvina Kthella, celularin që i është sekuestruar pasi kishte lidhje me autorin e dyshuar të atentatit ndaj prokurorit të Durrësit, Arjan Ndoj.
Kejvina kishte bërë kërkesë që t’i kthehet automjeti dhe llogaria bankare, por gjykata pranoi kërkesën e saj vetëm kthimin e celularit.
Sekuestrimi është bërë për llogari të hetimit, pasi Kthella rezultoi se kishte njohje me personin e vetëm të arrestuar deri më tani si autor i atentatit, Redjan Rraja.
Para atentatit, 34-vjeçarit iu zbulua se kishte folur shpesh me Kthellën. Modelja u mbajt në polici për gati 10 orë, aty ku dha dhe deklaratën e saj.
Prokurorit Ndoj iu bë atentat te mbikalimi i Shkozetit dhe i vetmi i arrestuar për të është nipi i deputetit të PS-së, Redian Rraja.
