Gjyqi kundër ish-agjentit të FBI, Charles McGonigal do të përfshijë informacione të klasifikuara së bashku me komunikimet elektronike dhe të dhënat financiare, tha një prokuror të enjten gjatë një seance gjyqësore.
McGonigal, i cili është deklaruar i pafajshëm për akuzat për lidhjet e tij me oligarkun rus të sanksionuar Oleg Deripaska, u shfaq pranë avokatit të tij dhe një bashkë të pandehuri, shkruan ABC News.
Prokurorët zbuluan llojet e provave që prisnin të përdornin dhe gjyqtari udhëzoi të dy palët të punonin në një urdhër mbrojtës për t’u siguruar që asgjë e klasifikuar të mos zbulohej.
Mbrojtësit iu dhanë 90 ditë shtesë për të shqyrtuar të gjitha provat e zbuluara deri më tani. Një avokat i bashkëpandehurit të McGonigal, ish-diplomatit rus Sergej Shestakov, i kërkoi qeverisë të kontrollonte dosjet e agjencive të inteligjencës për prova që mund të ishin të dobishme për mbrojtjen.
McGonigal akuzohet veçmas në Uashington, DC, për marrjen e parave nga një shqiptar-amerikan, ndërsa ishte ende në FBI. Ai gjithashtu u deklarua i pafajshëm në atë rast.
