Ditën e sotme mbahet në GJKKO gjyqi ndaj ish-kryeministrit Sali Berisha, ku do të vendoset për kërkesën e SPAK për masën e “arrestit të shtëpisë me mbikqyrje policore” ndaj tij.
Po ashtu në Gjykatën e Lartë po zhvillohet sot seanca për rekursin që grupimi i “Rithemelimit” i Sali Berishës ka depozituar për vendimin e 3 marsit, ku Apeli i Përgjithshëm ktheu në Shkallë të Parë çështjen e logos dhe vulës së Partisë Demokratike.
Po ashtu, “Rithemelimi” po zhvillon një protestë para ambienteve të Gjykatës së Lartë.
Në krye të protestuesve janë deputetët Luçiano Boçi, Flamur Noka dhe disa drejtues të tjerë të PD-së së Rithemelimit.
Protestuesit kanë bllokuar kryqëzimin te Gjykata e Lartë, ndërkohë që makinat e bien borive për hapjen e rrugës.
Pas negocimit te Flamur Nokës me drejtuesit e Policisë në terren, u hap rruga.
Po ashtu bëhet me dije se ka pasur disa momente tensioni mes protestuesve dhe disa drejtuesve të makinave, ku nuk kanë munguar edhe sharjet.
