Raundi i gjashtë i Champions League ka sjellë rezultate të rëndësishme, ku spikat triumfi i Juventus ndaj Manchester City dhe ai në Dortmund i Barcelonës. Blaugranat mbajnë kështu hapin me Liverpool dhe vendosin të vetëm në vendin e dytë me 15 pikë. Ekipi i Hans-Dieter Flick mposhti Borussia Dortmundin 2-3 në transfertë, falë një goli nga Raphina dhe një dygolëshi nga Ferran Torres, që iu përgjigjen ndaj dy golave të Guissary. Fitore edhe për Arsenal e Milan, ndërsa Stuttgart e ekzagjeroi me pesë gola ndaj Young Boys.
JUVENTUS-MANCHESTER CITY 2-0
Goditje e madhe e Juventus në Champions League. Në raundin e gjashtë të fazës së grupeve, ekipi i teknikut Thiago Motta mposhti 2-0 Manchester City dhe u ngjit në 11 pikë, duke u renditur në vendin e 14-të në klasifikim dhe duke siguruar një mundësi të fortë për kalimin në playoff. Në pjesën e parë pati shumë ekuilibër dhe pak mundësi: nga njëra anë, një goditje e Yildiz fshikulloi shtyllën, ndërsa nga ana tjetër, Di Gregorio shpëtoi portën nga kërcënimi Haaland. Në pjesën e dytë erdhën golat që vendosën rezultatin: Vlahovic (53′) hapi ndeshjen me një gol me kokë, dhe më pas McKennie (75′) dyfishoi, duke e mbyllur ndeshjen me një goditje të bukur fluturimthi pas një krosimi të Weah. Dy amerikanët sapo ishin futur në fushën e lojës dhe mbyllën shpresat e Guardiolës për të marrë rezultat në Torino.
ATLETICO MADRID-SLOVAN BRATISLAVA 3-1
Atletico Madrid nuk pati asnjë problem në Metropolitano, duke e vënë nën presion Slovan Bratislavan që nga fillimi. Presioni dha frytet e tij në minutën e 16′, kur Julian Alvarez kaloi përpara Colchoneros me një goditje të mrekullueshme në cepin e portës. Argjentinasi gjeti kështu golin e tij të katërt në pesë ndeshje, duke mbajtur një mesatare të pabesueshme në këtë Champions. Sllovakët provuan të përgjigjen me Barseghyan, por u ndal nga traversa. Atletico përfitoi të shkonte në 2-0 në minutën e 42′, falë një goditjeje me kokë nga Griezmann.
Rezultati ndryshoi përsëri në fillimin e pjesës së dytë, kur arbitri akordoi penallti për një faull të Lenglet ndaj Strelec: ish-lojtari i Spezias nuk gaboi nga pika e bardhë, duke ngushtuar diferencën në 2-1 në minutën e 51′. Ndeshjen e mbylli Griezmann pesë minuta më vonë: dygolësh për Le Petit Diable, në një formë të shkëlqyer. Atletico Madrid arrin kështu në 12 pikë dhe rregullon ndjeshëm klasifikimin e tij, falë tre fitoreve radhazi. Slovan Bratislava mbetet pa pikë dhe i thotë lamtumirë Europës.
LILLE-STURM GRAZ 3-2
Në Stade Pierre-Mauroy Lille rrezikoi, por në fund mori fitoren. Francezët e nisën më mirë ndeshjen dhe humbi mundësinë për të kaluar në avantazh në minutën e 30′ me Jonathan David. Sidoqoftë, goli erdhi në minutën e 38′ me Sahraouin: një goditje të mrekullueshme diagonale me të majtën. Emocionet vazhduan në minutat e shtesës së pjesës së parë, kur të dy ekipet shënuan: Bakker dyfishoi rezultatin për Lille në minutën e 47′, ndërsa Kiteishvili shkurtoi diferencën për Sturm Graz në minutën e 49′. Në fillim të pjesës së dytë, skuadra austriake barazoi me Biereth, ndërsa fitoren për Lille e siguroi Haraldsson në minutën e 81′, vetëm disa sekonda pas hyrjes në fushë. Francezët arritën në 13 pikë dhe ëndërrojnë tani një vend në top-8. Nga ana tjetër, eliminimi është gjithnjë e më i afërt për Sturm Graz, që mbetet me 3 pikë.
