Persona të armatosur dhe të maskuar kanë terrorizuar dhe grabitur familjen e një biznesmeni në Çiflig të Korçës.
Ngjarja ka ndodhur në mesnatë dhe sipas policisë kanë qenë tre autorë të veshur si policë.
Ata fillimisht kanë lidhur me litar bashkëshortët Nevruz dhe Sadete Vila, më pas u kanë marrë atyre rreth 1.6 milionë lekë të vjetra.
Sipas bashkëshortëve Vila, njëri nga autorët kishte dialekt verior.
Terrori ndaj çiftit ka vazhduar për 30 minuta.
Pasi autorët u larguan ata njoftuan policinë, e cila kreu veprimet për të zbardhur ngjarjen.
