Faqja e Parlamentit shqiptar ka rënë pre e hakerave të “Homeland Justice.”
Përmes një njoftimi në Telegram, “Homeland Justice” kërcënon se deputetët e korruptuar do të shkatërrohen.
“Do të paguajnë edhe uzurpuesit e sediljeve të Kuvendit. Deputetët e korruptuar së shpejti do të shkatërrohen kur të kuptojnë se si demoni i tyre i brendshëm po i demonstrohet çdo kërkuesi të së vërtetës”, thuhet në njoftim.
Kjo llogari besohet se operohet nga hakerat që bllokuan më parë edhe portalin e-Albania si dhe publikuan edhe e-maile të zyrtarëve më të lartë shtetërorë.
Shqipëria akuzoi Iranin për sulmet kibernetike dhe ndërpreu marrëdhëniet diplomatike me Republikën Islamike.
