Dy nxënës janë proceduar penalisht në gjendje të lirë për helmimin masiv që ndodhi të mërkurën në gjimnazin “Janaq Kilica” në Fier. Policia bën me dije se janë proceduar dy 15-vjeçarët A.M. dhe A.H.
Të dy këta nxënës hodhën në ambientet e brendshme të shkollës së mesme sprajt me lëndë gazi, shkaktuar helmimin e 58 nxënësve të tjerë dhe të 2 mësuesve.
Ata shfaqën probleme me frymëmarrjen dhe u dërguan me urgjencë në spital. Pas trajtimit mjekësor, gjendja e tyre u stabilizua dhe u larguan për në banesë.
Dy gjimnazistët akuzohen për veprat penale ndotje e ajrit dhe prishje e qetësisë publike.
