Një depozitë mes 6 milionë deri në 250 milionë tonë hidrogjen “të bardhë” është gjetur në Francë. Zbulimi është bërë nga dy shkencëtarët Jacques Pironon dhe Phillipe de Donato, raporton CNN.
Ata po kërkonin në fakt për karburant fosil poshtë tokës në verilindje të Francës. Por fatmirësisht, shkencëtarët gjetën diçka tepër të vlefshme që mund të ndihmojë në përpjekjet e botës për të luftuar ndryshimet klimatike.
Hidrogjeni i bardhë zakonisht i referohet hidrogjenit të prodhuar duke përdorur lëndë djegëse fosile me kapjen dhe ruajtjen e karbonit. Është një mënyrë për të zbutur ndikimin mjedisor të prodhimit tradicional të hidrogjenit.
Ai mund të përdoret si një alternativë më e pastër në aplikime të ndryshme, të tilla si qelizat e karburantit për automjetet ose proceset industriale. Metoda e prodhimit të tij, synon të reduktojë emetimet e karbonit që lidhen me prodhimin tradicional të hidrogjenit.
Dy shkencëtarët janë surprizuar me sasinë e madhe të gazit të gjetur. Energjia me hidrogjen prodhon vetëm ujë kur digjet, gjë e cila e bën atë një burim të mirë për ruajtjen e mjedisit. Tani shkencëtarët mund ta prodhojnë atë përtej laboratorëve.
