Dashi
Gjatë kësaj dite do arrini të merrni nën kontroll jetën tuaj dhe gjërat do fillojnë të normalizohen. Për të dashuruarit e sotmja do jetë shumë më e qetë nga më parë dhe emocionet që do përjetoni do jenë më të forta. Nëse ende nuk keni hedhur hapa serioze, mendojeni seriozisht këtë gjë dhe bëjini premtime njëri-tjetrit. Ju beqarët do keni edhe dashuri me shikim të parë në momentin që më pak do e prisni. Në punë do përballeni me tronditje goxha të forta. Disa eprorë do iu heqin disa të drejta të merituara dhe kjo do ju mërzitë pafundësisht. Me financat mund të keni disa probleme të vogla prandaj duhet të bëni kujdes.
Demi
Do keni imagjinatë shumë të zhvilluar gjatë kësaj dite dhe do ju gjeni zgjidhje edhe gjërave që iu janë dukur të vështira. Të dashuruarit do kalojnë një krizë shumë të vështirë dhe në disa momente do ndihen plotësisht të përhumbur. As mbrëmja nuk do jetë ashtu si e kishit imagjinuar. Ju beqarët duhet t’i pranoni ftesat që do ju bëhen sepse prej tyre jeta do ju ndryshojë rrënjësisht. Në punë do jeni të frymëzuar e të gatshëm për të bërë çdo gjë që mendoni të arsyeshëm. Financat nuk do jenë shumë delikate, gjithsesi mirë është të reflektoni gjatë para se të kryeni shpenzime.
Binjakët
Nëse i shtoni edhe pak dozat e imagjinatës gjatë kësaj dite, keni për të dalë më të fituar. Ju të dashuruarit do jeni shumë më të logjikshëm dhe do bëni të pamundurën që t’i zgjidhni një e nga një të gjitha problemet që keni pasur. Ju beqarët nuk do jeni me shumë fat, prandaj mund të mos keni mundësi për lidhje serioze. Në punë ambicia do forcohet dhe do keni më shumë dëshirë për t’u shtrirë më shumë. Urani do ju stimulojë gjithë kohën. Financat në tërësi do jenë të mira, por ato do mund të përmirësohen edhe më tepër nëse dini si t’i menaxhoni dhe dini sa të shpenzoni.
Gaforrja
Emocionet që do përjetoni gjatë kësaj dite do jenë të jashtëzakonshme dhe të forta. Shfrytëzojeni çdo sekondë. Për ju që keni një lidhje e sotmja do jetë e jashtëzakonshme. Zemra do ju rrahë fort në çdo moment dhe do ndiheni me fat që keni dikë si partneri në krah. Në një moment do ndodhin edhe disa gjëra që as nuk i kishit parashikuar. Beqarët duhet të bëjnë durim për të përjetuar emocionet e ëndërruara. Në punë do jeni edhe më të frymëzuar nga më parë. Do e bëni çdo gjë me qejf e dëshirë pa e kthyer kokën pas. Buxheti do vazhdojë të ketë ende lëkundje.
Luani
Sot do ketë shumë keqkuptime dhe kokëfortësi. Gjërat nuk do ecin aspak ashtu si ju do donit. Nëse jeni në një lidhje do keni konflikte të shpeshta, por pa dëme të mëdha. Të dy palët do keni teka dhe nuk do kënaqeni lehtësisht. Ju beqarët nga ana tjetër keni për të kaluar një ditë të veçantë pasi do takoni personin e ëndrrave. Zemra do ju rrahë më fort nga kurrë ndonjëherë më parë. Në punë duhet të thoni atë që mendoni dhe keni për t’u çliruar. Kështu do i vazhdoni me qetësisht detyrat e dhëna. Në planin financiar mundohuni vetëm të ruani qëndrueshmërinë dhe shumë shpejt situata do ketë edhe përmirësime.
Virgjëresha
Shpesh do ju ndryshojë humori gjatë kësaj dite dhe gjërat mund ta marrin drejtim të paparashikuar. Nëse jeni në një lidhje do ketë ose pasion ose konflikte të forta. Gjithçka do varet nga sjellja kundrejt atij që keni në krah. Ju beqarët do keni një surprizë gjigande e cila do iu bëjë ta ndryshoni njëherë e mirë rutinën e jetës tuaj. Në punë do përkushtoheni me mish e me shpirt në mënyrë që të arrini sa më parë qëllimin. Nuk ka gjëra të lehta, por as të pamundura. Në planin financiar do bëni të pamundurën që ta ndryshoni gjendjen në të cilën ndodheni dhe në fund të ditës do merrni frymë lirisht.
Peshorja
Gjatë kësaj dite do jeni gjithë kohës të frymëzuar dhe do keni goxha imagjinatë. Për ju që keni një lidhje asgjë e keqe nuk do ndodhë edhe pse në fakt keni thënë gjëra vërtet të gabuara. Partneri do jetë më tolerant dhe më i kuptueshëm. Ju beqarët do e pëlqeni vetminë dhe nuk do bëni asgjë për ta ndryshuar statusin sa më parë. Në punë do e siguroni më në fund atë që keni dëshiruar gjithmonë. Do ndërtoni edhe një strategji më të mirë për të ecur para. Për financat do jete dite goxha delikate. Gjendja e të ardhurave nuk do jetë ashtu si ju keni dashur kështu që bëni kujdes.
Akrepi
Gjatë kësaj dite do jeni ambiciozë dhe do keni dëshirë t’i bëni gjërat ashtu si duhet. Ju të dashuruarit do bini dakord për çdo gjë me partnerin tuaj dhe madje do merrni edhe disa vendime për të ndryshuar disa gjëra. Shumë do ju kenë zili për bashkëpunimin dhe komunikimin. Ju beqarët do keni disa pëlqime, por nuk do mund të filloni asnjë lidhje. Në punë do ju propozohet një post më i rëndësishëm. Mendohuni mirë para se ta pranoni sepse përveç përfitimeve më të mëdha, ai do ketë edhe më shumë përgjegjësi. Buxheti do jetë goxha i mirë, por mos bëni kurrsesi asnjë gabim duke shpenzuar me sy mbyllur sepse do keni vështirësi më vonë.
Shigjetari
Mundohuni të ruani vetëkontrollin gjatë kësaj dite dhe gjithçka ka për t’iu ecur më së miri. Për ju të dashuruarit disa planetë do bëhen bashkë në mënyrë që t’iu krijojnë një klimë sa më të ngrohtë. Kënaqësitë dhe emocionet do jenë herë pas here shumë të forta. Ju beqarët do keni dashuri me shikim të parë dhe ka mundësi të hidhni menjëherë hapa të mëdha. Në punë do jeni të përgjegjshëm, të kujdesshëm dhe të matur. Gjithçka ka për t’iu ecur sipas planeve të bëra. Financat duhet të mundoheni t’i përmirësoni dukë kërkuar të arrini sa më shumë në punë.
Bricjapi
Reflektoni me kujdes gjatë kësaj dite dhe bëni gjithçka keni në dorë për më shumë rehati. Për ju të dashuruarit e sotmja do jetë e mbushur me surpriza të njëpasnjëshme. Do ndiheni të bekuar nga yjet dhe emocionet do shumëfishohen. Do dëshironi të qëndroni në çdo moment pranë atij që dashuroni. Ju beqarët duhet të tregoheni të sinqertë me personat që do takoni sepse përndryshe mund t’iu ndërlikohet jeta. Në punë duhet të bëni ndonjëherë edhe lëshime dhe t’i lini bashkëpunëtorët të flasin të parët. Vetëm në këtë mënyrë gjërat do ju ecin mirë. Për financat do përkujdeseni më tepër dhe gjendja do mbetet e mirë.
Ujori
Do ndiheni të zymtë gjatë kësaj dite, megjithatë gjërat do rregullohen shpejt. Për ju të dashuruarit e sotmja do jetë shumë e bukur. Do jeni më të logjikshëm dhe do merreni vesh për gjithçka me njëri-tjetrin. Ju beqarët me shumë mundësi do takoni persona shumë të veçantë me të cilët do ja vlejë të krijohet një lidhje. Në punë duhet ta dëgjoni edhe për tepër intuitën sepse nuk keni për t’u penduar. Neptuni do ju ndihmojë dhe do ua bëjë gjërat shumë më të lehja nga më parë. Plutoni do ua mbrojë në tërësi financat, megjithatë edhe ju duhet të bëni shumë kujdes me çdo hap që do hidhni.
Peshqit
Hëna do ju ndihmojë të bëni zgjedhjet e duhura gjatë kësaj dite. Do jeni më kërkues ndaj vetes dhe do arrini goxha lart. Ju të dashuruarit do bëni të pamundurën për të ruajtur një klimë sa më të qetë dhe falë ndihmës së partnerit do ja dilni mbanë. Të dy do bëni përpjekje, do toleroni dhe mbi të gjitha nuk do e humbisni asnjë moment komunikimin. Ju beqarët më mirë mos hidhni hapa sepse do vazhdoni të bëni gabime si më parë. Në punë, nëse synoni një post të ri, duhet të bëni akoma më tepër përpjekje. Asgjë nuk bie nga qielli kështu që mos ndaloni. Me shpenzimet tregohuni të kujdesshëm dhe asgjë e keqe nuk do ju ndodhë.
