Ergys Hida, vetëm 36 vjeç humbi tragjikisht jetën në Pordenone të Italisë. I riu shqiptar u gjet i pajetë në lumë dhe paraprakisht dyshohet se ai u ndje keq në momentin që hyri në ujë për t’u larë e për pasojë ndërroi jetë.
Hida, sipas asaj që shkruajnë mediat fqinje, kishte një dyqan tatuazhesh dhe piercing në rrugën Tessitura.
Për shkaqe të paqarta, i riu mësohet se ishte larguar nga banesa e tij dhe po flinte në makinë. Në fakt prindërit, mbrëmjen e së hënës kishin denoncuar në polici zhdukjen e tij.
Trupi i tij i pajetë u gjet pasditen e së martës, i mbytur në rrjedhën e lumit Noncello. Autoritetet paraprakisht dyshojnë se vdekja e 36-vjeçarit ka qenë për shkaqe natyrale.
