Tek Milani po shqetësohen gjithnjë e më shumë për gjurin e majtë të Zlatan Ibrahimovicit. Në marrëveshje me lojtarin, stafi mjekësor i kuqezinjve ka vendosur të bëjë terapi konservatore, por nuk përjashtohet nevoja për një operacion pas kontrolleve të mëtejshme. Ndërhyrja kirurgjikale, që kërkon një kohë më të gjata rikuperimi, do të ndryshonte planet e Milanit për merkaton.
Tani për tani, duhet thënë, nuk është vendosur ende asgjë për Zlatanin. Por sipas deklaratave të fundit nga trajneri i Suedisë, Anderson suedez, gjuri i Ibras është ende i fryrë dhe shërimi i sulmuesit kuqezi nuk po ecën siç ishte planifikuar. Kjo situatë ka shkaktuar alarm në Milanello. Mund të jetë e nevojshme një ndërhyrje artroskopike për të vlerësuar dhe zgjidhur problemin e në këtë rast koha e rikuperimit do të ishte e gjatë.
Për këtë arsye, Milani duhet të shohë menjëherë nga tregu. Sidomos kur bëhet fjalë për të gjetur një “bomber”. Emri i parë në listën e kuqezinjve mbetet Giroud dhe tani, duke pasur parasysh situatën e Zlatan, Maldini duhet të përpiqet të arrijë një marrëveshje brenda një kohe të shkurtër për të planifikuar çdo operacion tjetër për repartin e avancuar.
