Një aksident me pasoja tragjike ndodhi në Itali të mërkurën. Një i ri shqiptar, vetëm 32 vjeç, ndërroi jetë si pasojë e përplasjes me një kamion. Ngjarja teksa shqiptari po kthehej për në punë. Mediat italiane kanë publikuar identitetin e viktimës, i cili quhet Teli Mustalfeter.
Shkaqet e ngjarjes që i morën jetën shqiptarit janë të qarta për autoritetet. Shpejtësia tej normave të lejuara dhe një parakalim i gabuar kanë bërë që makina e shqiptarit të gjendej përpara kamionit dhe të mos kishte mundësi shpëtimi.
32-vjeçari udhëtonte me një Audi A5 ngjyrë të bardhë, e cila nga përplasja është shkatërruar. Në vendin e ngjarjes shkuan dy ambulanca, por fatkeqësisht shqiptari kishte ndërruar jetë menjëherë në vendin e ngjarjes.
I riu jetonte vetëm në Lonato disa metra larg vendit ku ndodhi aksidenti tragjik. Siç shkruajnë mediat italiane, ai ka lënë dy prindërit, të cilët jetojnë në Shqipëri.
Menjëherë në vendin e ngjarjes, shkuan disa prej kolegëve të tij të punës, por as ata nuk mundën të bënin gjë. Ndërkohë shoferi i kamionit nuk ka pësuar dëmtime të rënda.
Ai ka thënë para policisë se nuk ka pasur mundësi që të shmangte Audin që i ka ardhur përpara me shpejtësi.
