Një pikturë e realizuar nga artisti britanik i rrugës Banksy është shitur për një rekord prej 16.7 milionë paund, të ardhura të cilat do të shkojnë për personelin e shërbimit kombëtar shëndetësor në Britani.
Piktura, “Game Changer” e cila e përshkruan një infermiere si një super heroinë iu shit një blerësi anonim për 14.4 milionë paund plus kostot e tjera, shuma më e lartë me të cilën është shitur ndonjëherë një pikturë e Banksy.
“The Game Changer nga Banksy shitet për 14,4 milion £ është shitur. Bravo. Urime”, u shpreh Jussi Pylkkanen, presidenti i Christie.
“Çfarë simboli domethënës i asaj që kemi kaluar të gjithë dhe mbështetjes së pabesueshme të Shërbimit Kombëtar shëndetësor që kanë qenë aty për muaj të tërë dhe do të vijojnë të jenë“, tha ai më tej.
Piktura është vepra e fundit nga artisti i rrugëve e cila doli në ankand dhe tejkalon rekordin e mëparshëm prej 9.9 milionë paundësh.
Një kopje e “Game Changer” do të qëndrojë e ekspozuar në spitalin Southampton General, ku u shfaq për herë të parë në mënyrë misterioze.
