Gjykata e Posaçme ka pranuar kërkesën e SPAK dhe ka pushuar çështjen në ngarkim të Selim Çekajt, babai të Arbër Çekajt.
Ga Selim Çekaj ishte i dyshuar për trafikimin e 49 kg kokainë nga Amerika Latine në drejtim të vendit tonë më 1 Prill të 2021.
Çështja fillimisht u hetua nga Prokuroria e Durrësit dhe më pas kaloi për kompetencë në SPAK.
Pas disa vitesh hetime, SPAK nuk gjeti prova për të provuar lidhjen e Selim Çekajt dhe kompanisë së tij ECOALMAX në përfshirjen e trafikut të drogës.
Selim Çekaj është babai i Arbër Çekajt, ky i dënuar me 14 vite burg për trafikimin e sasisë më të madhe të kokainës të kapur ndonjëherë në vendin tonë, 613 kg.
Edhe në konteinerin me banane të porositur nga babai i tij Selim Çekaj, u gjet kokainë por që nuk u provua përfshirja e Çekajt në këtë çështje.
SPAK kishte kërkuar edhe më herët pushimin e çështjes, por Gjykata e Posaçme e kishte kthyer për të kryer edhe disa veprime të tjera hetimore.
