Izraeli dhe Jordania arritën një marrëveshje sipas së cilës shteti hebre do t’i shesë një sasi të madhe uji Mbretërisë fqinje.
Që nga viti 1994 kur u arrit dhe marrëveshja e paqes, bashkëpunimi për burimet e ujit ka qenë një çështje kyçe në raportet mes dy vendeve.
Ministri i Jashtëm izraelit, Yair Lapid dhe homologu i tij Ayman Safadi arritën marrëveshjen për shitjen e 50 milionë kub ujë nga ana e Izraelit.
Jordania është një nga vendet që ka probleme të theksuara me mungesën e ujit. Vendi me rreth 10 milionë banorë ka kohë që po përballet me thatësirat më të ashpra.
Edhe Izraeli përballet me problemin për mungesën e burimeve të ujit, por ky vend është udhëheqës botëror në shkripëzimin e ujit. Izraeli prodhon sasi të madhe të ujit të pijshëm duke e përpunuar ujin e detit.
