Izraeli po përgatitet për një grevë të përgjithshme në vend pas protestave të mëdha në lidhje me atë që konsiderohet dështim i qeverisë për të siguruar lirimin e pengjeve të mbajtura nga Hamasi.
Një nga sindikatat më të fuqishme të vendit, Histadrut, ka njoftuar grevën 1-ditore. Një forum që përfaqëson disa familje të pengjeve ka bërë thirrje për më shumë protesta në të gjithë Izraelin sot me plane për të bllokuar rrugët më të ngarkuara të vendit.
Zemërimi i protestuesve i drejtohet qeverisë së kryeministrit Benjamin Netanyahu, i cili akuzohet se ka bllokuar një armëpushim dhe marrëveshje për lirimin e pengjeve për t’i dhënë përparësi mbijetesës së tij personale politike.
Pas zbulimit të fundit të trupave të gjashtë pengjeve, disa familje thonë se ai ka gjakun e të dashurve të tyre në duar, ndërsa në protestat e mbrëmshme brohoritën “vrasës”. Ndërkohë, Netanyahu e kundërshton këtë. Ai thotë se është Hamasi ai që po bllokon një marrëveshje dhe këmbëngul se ato do të ndiqen dhe do të merren parasysh.
Kujtojmë se Izraeli filloi një fushatë ushtarake në Gaza pasi Hamasi sulmoi Izraelin jugor më 7 Tetor, ku 1200 njerëz u vranë dhe 251 u morën peng. Nga ana tjetër, më shumë se 40,530 njerëz janë vrarë në Gaza që nga 7 Tetori, sipas Ministrisë së Shëndetësisë të drejtuar nga Hamasi.
