Një nga shtetet që e ka menaxhuar më mirë pandeminë e koronavirusit, duke përdorur masa strikte, por edhe vaksinimin masiv të popullsisë, është Izraeli.
Një vit më parë, autoritetet e shëndetësisë në këtë shtet e bën të detyrueshme vendosjen e maskës në ambientet e hapura, ndërsa nga e diela e 18 prillit, izraelitët do të marrin frymë lirisht, pasi Ministria e Shëndetësisë mori vendimin që maska të mos jetë më e detyrueshme në ambientet e hapura.
Megjithatë, vendimi për mbajtjen e maskës në ambientet e mbyllura do të vijojë të mbetet në fuqi.
