Nga Benedetta Guerrera*
Nëse parlamentarët britanikë nuk e miratojnë marrëveshjen me Brexit para Këshillit Europian, atëherë të enjten e ardhshme ekziston rreziku që Britania e Madhe të mos largohet nga BE-ja për shumë muaj, ndoshta kurrë.
Në javën e së vërtetës për fatin e saj dhe të Britanisë së Madhe, Theresa May po mundohet të rikuperojë konservatorët e humbur në rrugë, duke tundur sloganet e dështimit para votuesve.
Të dielën, në një letër të hapur në të përditshmen konservatore ”Telegraph”, që në ditët e fundit ka botuar editoriale të flakta kundër ”tradhtisë May”, kryeministrja po apelon ndaj “patriotizmit” të deputetëve të Westminsterit duke i paralajmëruar ata, se përballë një dështimi tjetër, Brukseli mund të humbasin durimin dhe të insistojë në një vonesë të gjatë te divorcit, duke detyruar kështu vendin të marrë pjesë në zgjedhjet europiane në maj.
”Kjo do të ishte një shenjë e fuqishme e dështimit kolektiv të Parlamentit”, shkruan May.
May duhet të marrë konservatoret rebelë dhe të ktheje ne anën e saj marrëveshjen me aleatët e Irlandës Veriore të DUP-it. Pa mbështetjen e tyre, marrëveshja do të refuzohet për herë të tretë. Por, në parlament ende nuk ka vota.
Për këtë arsye, ende nuk është e qartë nëse votimi do të jetë më 19 ose 20, por gjithsesi do të jetë para Samitit të BE-së i thirrur për t’i dhënë dritën jeshile për shtyrjen.
Së pari, ministri i Tregtisë së Jashtme, Liam Fox (do të votojë vetëm nëse kanë mbështetjen e nevojshme ), më pas sekretari i Thesarit Philip Hammond, i cili ishte edhe më i qartë kur tha se ”marrëveshja do t’i dorëzohet anëtarëve nëse ka një numër të mjaftueshëm te kolegëve tanë dhe të DUP-it, që janë të gatshëm ta mbështesin atë , tregojnë se akoma nuk ka vota për të siguruar marrëveshjen e Mayt.
Sipas burimeve të ”Daily Telegraph”, sindikalistët e Irlandës së Veriut do të kishin pranuar të votonin në favor të marrëveshjes, por në këmbim të një vendi në tryezën e negociatave të ardhshme të tregtisë me BE-në.
Nga ana tjetër, udhëheqësi laburist Jeremy Corbyn na paraqet strategjinë e tij të dyfishtë.
Nga njëra anë thotë se partia e tij është e gatshme të votojë marrëveshjen nëse i nënshtrohet një referendumi konfirmues, siç është parashikuar nga amandamenti i laburistëve.
Nga ana tjetër, duke e ditur se amendamenti i hartuar nga dy “backbenchers” jo vetëm që do të refuzohet nga konservatoret, por edhe nga pjesa më e madhe e Partisë Laburiste, kreu i opozitës kërcënon me një lëvizje të re të mosbesimit kundër qeverisë me objektivin e saj të vërtetë në mendje: zgjedhje të parakohshme.
Ndërkohë, vendi vazhdon të jetë i tronditur.
Sipas ”The Guardian”, gjigantët e financave me qendër në Londër, kanë njoftuar punonjësit e tyre për rrezikun e transferimeve në minutën e fundit në rast të një mosmarrëveshjeje midis Frankfurtit, Luksemburgut dhe Dublinit.
Një burim nga ”Goldman Sachs” zbuloi se së paku 12 u është kërkuar që të përgatiten të largohen edhe gjatë natës.
*Ansa
