Bashkimi Evropian do të vazhdojë me ndihma për Shqipërinë për të përballuar luftën ndaj koronavirusit.
Ambasadori i BE-së, Luigi Soreca ndërsa bën apel për të qenë të disiplinuar në këtë luftë, thotë se këto ndihma do të vijnë javën e ardhshme.
“Ne duhet të jemi rezistent dhe të disiplinuar në luftën kundër COVID-19. Të gjithë duhet të respektojmë rregullat në fuqi për të ndihmuar gjithë komunitetin të dalë nga kriza. Bashkimi Evropian do të vazhdojë të ofrojë ndihmë thelbësore për Shqipërinë. Dorëzimi tjetër i pajisjeve është planifikuar javën e ardhshme”, shkruan Soreca në Facebook.
